मास्क,स्यानिटाइजर लगायतका सामान नि:शूल्क वितरण गर्न सर्वोच्चको आदेश



Published Date:2020-06-01

सर्वोच्च अदालतले कोरोना भाइरस सरुवा रोग भएको हुँदा अत्यावश्यक सिटामोललगायतका औषधी, माक्स, गुणस्तरीय स्यानिटाइजर आवश्यक पर्ने ब्यक्तिहरुलाई निशूल्क उपलब्ध गराउन आइतबार सर्वोच्च अदालतले सरकारलाई अन्तरिम आदेश दिएको छ ।

न्यायाधीशहरु प्रकाशमान सिंह राउत र कुमार रेग्मीको संयुक्त इजलासले कानूनमा नै स्वास्थ्यका आधारभूत कुराहरु निशूल्क रुपमा उपलब्ध गराउनु पर्ने भनी उल्लेख भएको उल्लेख गर्दै त्यस्ता बस्तुहरु आवश्यक पर्ने ब्यक्तिहरुलाई निशूल्क उपलब्ध गराउनु पर्ने गरी अन्तरिम आदेश दिएको हो ।

संविधान तथा कानूनमा स्वास्थ्यका आधारभूत विषयहरु निशूल्क उपलब्ध गराउनु पर्ने गरी व्यवस्था भएको भए पनि सरकारले त्यसतर्फ कुनै प्रकृया अगाडि नबढाएको उल्लेख गर्दै अधिवक्ता डा. पुण्यप्रसाद खतिवडा र दीपक विक्रम मिश्रले सर्वोच्चमा रिट निवेदन दायर गर्नुभएको थियो ।

सर्वोच्चको आदेशमा आधारभूत स्वास्थ्य सेवा संविधानमा नै मौलिक हकको रुपमा रही निशूल्क भएको र सरुवा रोगलाई आधारभूत स्वास्थ्य सेवा भित्र पारी
निशूल्क रहेको भन्ने कुरा जनस्वास्थ्य ऐन, २०७५ को दफा ३(४) (ग) मा पनि उल्लेख भएको उल्लेख गर्दै कोरोना भाइरस सरुवा रोग भएको हुँदा त्यस्ता बस्तुहरु आवश्यक पर्नेलाई निशूल्क उपलब्ध गराउन भनिएको छ ।

यो आदेश पछि निम्न आय भएका सर्वसाधारण लाभान्वित हुने कानूनविद्हरुको धारणा रहेको छ । रिट निवेदनको तर्फबाट वरिष्ठ अधिवक्ता मुकुन्द शर्मा पौडेल र दिनेश त्रिपाठी तथा अधिवक्ताहरु विकास भट्टराई, विष्णु लुईंटेल, कीर्तिनाथ शर्मा, अनन्तराज लुईटेल, विशालकुमार उपाध्याय, सन्तोष भण्डारी, सुजन नेपाललगायतले र सरकारको तर्फबाट सहन्यायाधिवक्ता संजीवराज रेग्मीले बहस गर्नुभएको थियो ।

Related Posts

नेत्रहिन युवा संघको आयोजनमा अन्तर कलेज वक्तृत्वकला प्रतियोगितामा सम्पन्न
अन्तर कलेज वक्तृत्वकला प्रतियोगितामा कान्तिपुर इन्टरनेश्नल कलेजकी छात्रा पोखरेल प्रथम काठमाडौ, साउन २७ । नेत्रहिन युवा संघ नेपालले अन्तरराष्ट्रिय य...
निर्वाचन कार्यतालिका तय असोज २३ मा उम्मेदवारी दर्ता
आगामी प्रतिनिधि सभा तथा प्रदेश सभा सदस्य निर्वाचनका लागि असोज २३ गते उम्मेदवारी दर्ता हुने भएको छ । निर्वाचन आयोगले तय गरेको कार्यतालिका बमोजिम असो...
निर्बाचन केन्द्रीत भएर संगठन बिस्तार र प्रशिक्षण कार्यक्रम गर्ने परिवार दलको निर्णय
काठमाडौं । नेपाल परिवार दलको केन्द्रिय कार्यसमितिको बैठक दलका अध्यक्ष एकनाथ ढकालको अध्यक्षतामा काठमाडौँमा यहि साउन २२– २३ गते हाइब्रिड (भौतिक तथा अ...